升高中點樣揀科？就好似煮嘢食咁！
揀科張from依家就係你面前，Phy、Chem 、Bio、中史、History 、BA、Econ⋯⋯十幾二十科，睇到眼都花晒。咁都算，仲有M1M2要揀，都唔知點算好。但係又唔可以是但揀，畢竟係關乎未來嘅嘢，所以⋯⋯
「到底係揀文科,商科定理科？」
「讀邊科先啱你？」
「到底睇興趣定睇『錢途』？」
相信係揀科之前大家都會有咁嘅煩惱，所以今日就同大家傾吓揀科啦！
揀科可以分為三方面：1. 興趣、2. 能力、3. 成果。
就咁聽好似有啲抽象，咁所以我哋不如用一個比喻嚟講吓啦！
相信大家都知點樣煮嘢食㗎喇(小編就煮公仔麵最拿手 XD)，你煮嘢食之前你總要諗吓：
自己想食啲咩？
要點樣煮先好味？
呢味餸對身體好唔好，夠唔夠營養？
1. 興趣
例如如果你想食肉唔想食魚，咁你就會揀煮咕嚕肉而唔係揀酸菜魚。如果你想揀理科而唔想揀文科，自然你會更傾向選擇Physics而唔係中史，咁就可以排除大部份嘅科目啦！
但係剩低嘅部份又點樣選擇呢？
2. 能力
咁就要睇吓你嘅能力啦！你揀科嘅時候考慮能力就同你煮嘢食嘅時候諗自己點煮係一樣嘅。例如你擅長煮中餐，但唔擅長整西餐。咁選擇你擅長嘅嘢去做，當然會表演得更加出色。假設你依家已經揀咗理科，而你擅長計數，但唔擅長背書，咁可能比起Bio, Physics會更加啱你。
諗完呢啲嘢之後，我哋就要諗吓實際嘅情況啦。
3. 成果
為健康要有追求，對營養必須講究。
每味餸嘅營養都唔同，對身體嘅影響亦有不同，例如白灼青菜有膳食纖維但就缺乏蛋白質，炒滑蛋有蛋白質但就缺乏維他命。
就好似揀科，雖然話依家大部份嘅科目都冇要求大家必須讀邊科，但係如果如果你淨係揀咗文科，咁係工程一類嘅課程中，就無辦法得到Physics同M1M2嘅加分，競爭力自然會比人哋低。
所以話「為健康要有追求,對營養必須講究」，為未來都要有追求，揀科亦必須講究。
而且唔同嘅搭配，成果都會唔同，例如如果想補充鐵質，除咗食牛肉等含有鐵質嘅食物之外，仲需要同維他命B一齊食用方有成效。擺落揀科都係一樣，其實唔少科目都係相輔相成嘅。
例如啱先提到嘅Physics同M1M2咁，如果你揀咗呢兩科，咁你考 Core 數嗰陣簡直就係降維碾壓，輕鬆超多倍。而如果你想揀精算或者數學一類嘅課程， Physics同M1M2亦都會係你唔錯嘅選擇。
咁嘅話興趣、能力、成果，三方面嘅問題就都解決晒啦！
但係好似仲有其他問題喎⋯⋯
「有邊啲大學係計M1M2係一個選修科？邊啲課程需要我邊啲能力？初中同高中嘅課程有咩分別？我都唔知喎，咁點算啊⋯⋯」
唔緊要！我哋依家有個 「做好選擇」座談會， 當中內容包括但不限於以下內容。
(如果想得到以上全份ppt，歡迎係Facebook 或者Instagram pm搵我哋！)
除此之外Uni+更誠邀了多位傑出學霸學生同你分享選科攻略 , 以及疫情之下 Online 上堂嘅種種最 update 情況，仲有Q&A section，你嘅種種選科問題，我哋都可以為你一一解決!
7月24號，11 am – 12:30pm
九龍佐敦吳松街191號, 突破中心 6/F
(佐敦地鐵站 C2 出口)
約定你!
U n i + Evolve together.
