Spiral Learning 螺旋式學習可能係你學好嘢最好嘅方法。
有無試過讀書讀到好攰，睇就好似明，但到自己做題目果陣就好難，阻力好大。 。 。"走先喇係咁先喇下次再玩吖" 。 。 。下次又下次最後無限個下次後成績同名次就下下下跪，所以根本冇動力學嘢 ...
如果你有以上情況，可能 Spiral Learning 螺旋式教學係最適合你嘅學習模式！
「不過咩係 Spiral Learning 啊？」
Spiral Learning 主要有四部分：順序性、平衡性、銜接性、繼續性
（用返人話）
簡單講就係：1.循序漸進、2.均衡發展、3.擴闊知識面、4.溫故而知新。
如果生動啲去形容嘅話⋯⋯
其實 Spiral Learning 就好似勇者鬥惡龍嘅RPG游戲。
1. 循序漸進：
勇者要戰勝惡龍都唔係一蹴而就，需要儲經驗升Lv.，先至可以成功挑戰惡龍，所以一開始嘅時候都係學打史萊姆開始。
學習上來講，就好似你考DSE咁。考DSE需要讀書，挑戰唔同嘅考試內容。如果一嚟就叫你去學啲好難嘅題目，係人都會覺得好辛苦。但如果從簡單嘅開始先，儲下經驗，再挑戰難嘅題目，就會容易好多。
例如我哋喺度學圖形嗰陣，我哋唔會一嚟就叫你講圖形嘅特質，而喺先喺生活中搵相似圖形，再試下用自己嘅手畫出圖形，最後先開始用文字描述圖形嘅特性。
以長方形為例，我哋可以先搵飯檯或書檯進行觀察，再用手繪嘅方式進行模仿，最後以對邊相等, 檯角數目為4, 每角均為90度，甚或喺內角總和等特質，一步步加深對該圖形的了解。
而我哋 Uni+ 嘅課程都係以咁樣嘅方式編排，由淺入深，層層遞進，保證更容易掌握需要嘅知識。
咁樣學起嘢嚟，就唔會覺得好難或者學極都唔識， 想要有學習動力，先解決學習阻力。
2. 均衡發展：
身為一個勇者，淨係得好高嘅Lv.當然唔夠，仲要Ace，即係全方位發展。防禦、攻擊、回血⋯⋯全部都要齊先得。
好似學數學咁，我哋無論喺加減乘除，我哋都要識哂，并且只有喺4個基本運算方法同準則都完全掌握，正確率到達一定水平，我哋先至可以確保自己冇失誤嘅可能，先至可以挑戰更高階嘅難題，完成更多嘅題目。
考下你識唔識計，
6÷2(1+2)=?
我哋 Uni+ 會教導所有嘅課題重點和技巧，並且準確分析常錯問題，確保學生全面了解和活用所學知識。
咁樣考試嗰陣就唔會覺得難啦！
3. 擴闊知識面：
而身為一個勇者，所有嘅技能面都要廣，例如劍法，你要識前刺，仲要識橫切、側斬、上挑⋯⋯等等。因為不同怪物都有不同弱點，所以用唔同方式嘅攻擊先至係最明智嘅抉擇。
學習方面，我哋都要每一個課題學多啲，知識面要廣闊，識得用唔同嘅方法解題，先至可以用最快、最簡單嘅方式去做卷。
就好似數學咁，你可以用2加2，但亦都可以用2乘2，甚至喺2 ²，唔同嘅方法，但殊途同歸。
我哋 Uni+ 會教得好全面，唔會淨係教一個方式，而係用多媒體同多個角度解題。
有多啲唔同角度，又識多啲唔同嘅方法，咁做卷嗰陣就會覺得輕鬆得嚟又快狠準啲。
4. 溫故而知新：
勇者嘅技能都需要不斷咁進步，通過重複使用之前嘅招數和絕技加強熟練度，繼而得到全面嘅提升和突破。
而喺學習上面我哋都要溫故而知新，重溫之前舊嘅學習內容，繼而去知道新嘅題目點樣去做。
例如圖形特徵加計數，喺學完長方形特徵之後，我哋需要重温返之前學過嘅加減乘除，繼而完成計邊長、周界、面積、體積……等等更多嘅知識。
我哋 Uni+ 會同同學做返之前課題啲題目，或者係討論返之前嘅課題，甚至做返cross topic嘅題目，藉此drill深啲或者清下大家嘅concept 。
咁樣之後大家學嘢唔單只會識多啲嘢，而且學過嘅知識都會牢固好多，無咁易唔記得咗，又要重新學返，浪費時間。學習輕鬆咗，又快咗，阻力都會低啲。
總結：
順利學習嘅方法其實好易理解：阻礙你明白同運用知識嘅阻力少咗，咁你嘅興趣就會自然大咗，推動你學習嘅動力自然應運而生。
而推開呢啲阻力嘅大前提，就係針對性嘅教學同埋自身嘅努力。
假設1代表大多數人做一件事情嘅平均水平，1.01 就代表比平均水平高1%。呢1%睇落不起眼，但持續累積的話就能帶來質變。
舉個例子，0.99 的365 次方是0.025，但1.01 的365 次方是37.78，相差1482 倍。
如果每一日都可以學到比尋日多0.01嘅嘢，如此日積月累落去，等到某日回頭一望，你就會發現，宜家裝備堅實、技法嫻熟嘅自己同最初嘅新丁勇士比，已經完全唔同啦。 惡龍都可能會變成你的坐騎。
